Matua ma Tausi Ma’i

Fa'amolemole kiliki i'inei e taga'i ai i le upega tafa’ilagai atoa i le Gagana Samoa

O lenei itulau e iai fa’amatalaga i:

• Talanoa i fanau talavou ma punaoa mo le faia o talanoaga.
• Fautuaga mo matua ma tausi ma’i.
• O a’afiaga o le fa’aaogaina o le ava malosi, mariuana, ma isi vaila’au e i latou e i lalo ifo tausaga.
• Ia atia’e fa’atasi ni uiga masani tau soifua maloloina.
• O fea e maua ai le fesoasoani.

O oe o le fa’ataitaiga sili lea ona malosi i fa’aiuga e faia e lou alo talavou e fa’atatau i fualaau fa’asāina.

E sili atu nai lo’o uo. E sili atu nai lo’o tagata lauiloa. O le mafuaaga lena e taua ai le fa’alogo o fanau talavou ia te oe i le fa’asāina o le tagofia o le mariuana, ava malosi, po o isi fualaau fa’asāina, ma ia latou a’oa’oina le faia o filifiliga fa’asoifua maloloina lelei, e aofia ai le sailia o auala e soifua maloloina e fesoasoani ai i nei taimi faigata.

O le talanoa ma lou alo talavou e fa’atatau i nei mataupu e mafai ona avea ma luitau faigatā, ae ua fa’aalia mai e su’esu’ega, o se tasi lea o mea pito sili ona taua e mafai ona e faia e fa’aali atu ai lou alofa, fa’atulaga iai ou fa’amoemoega, ma fesoasoani i lo latou saogalemu ma le soifua maloloina. E mafai ona talanoa fa’asamasamanoa, o ni talanoaga pupuu e faia a’o mafuta mo sina taimi ma lou alo talavou. O le lisi lea o tali mo fesili e ono fesili ai lou alo e fa’atatau i le ava malosi ma le mariuana, e fesoasoani ia te oe e tāpena mo nei talanoaga. Ia e manatua e le tutusa tagata uma, ia e fetuunai au tali e fa’atatau i ou lava manatu ma lou poto masani. O le faia o se talanoaga fa’asinotonu ma fa’amaoni o le a iai se a’afiaga lelei e sili atu ona aogā lona taunuuga.

O ni punaoa fa’aopoopo nei e fesoasoani ia te oe e talanoa ai ma lau fanau talavou:

• Fautuaga i le auala e faia ai ni talanoaga lelei
• O fa’amaumauga moni e fa’atatau i fanau talavou ma mariuana
• O fa’amatalaga i ata o loo aumaia ai fautuaga vave mo mātua (na’o le Gagana Igilisi ma le Gagana Sipaniolo)
• O le Ta’iala mo matua i le a’oa’oina o fanau ina ia ‘aloese mai i fualaau fa’asāina  (na’o le Gagana Igilisi ma le Gagana Sipaniolo)
• Ta’iala mo le amataina o talanoaga i fa’apotopotoga o fanau i tausaga eseesse (itulau i luga o ‘upega tafa’ilagi e fa’aliliuina e masini)
• O se taaloga o Talamoni poo Lu’itau e ‘auai ai mo se fiafiaga (na’o le Gagana Igilisi ma le Gagana Sipaniolo)

Fautuaga mo matua ma tausi ma’i.

Fa’aalu se taimi ma lou alo talavou, ia faifai pea ni talanoaga, ma fai ni mea e fiafia fa’atasi ai!

E mafai ona e fesoasoani i lou alo talavou e alo’ese mai le mariuana, ava malosi, po’o isi vaila’au pe a lua fesoota’i, fa’atulaga tuaoi, ma vaavaai.

Fai ni sootaga vava lalata.

E fa’aitiitia e fanau talavou ona inu pe fa’aaogaina mariuana po’o isi fualaau fa’asāina pe a auai matua ma/po’o tausi ma’i i o latou olaga ma o latou lagonaina le vavalalata o fesoota’iga. Mo le fa’ateleina o le sootaga fa’aleaiga:

• Tuu atu i lou alo e tusa ma le 15 minute o lou taimi e talanoa fa’atasi ai i aso uma.
• Fai ni mea e fiafia fa’atasi ai.
• Tuuina atu ni manatu lelei e fa’atatau i filifiliga soifua maloloina lelei e faia e lou alo.
• A’ai fa’atasi.

Fa’atulaga ni tuaoi manino.

Ia vave fa’atulaga ni tulafono manino, ia tutumau, ma talanoa iai e fa’atatau i ta’iala . O le fa’atulagaina o tuaoi:

• Fai ni talanoaga masani e fa’atatau i ou fa’amoemoega.
• Fa’aaoga aoa’iga talafeagai ma tausisi i taimi e solia ai au tulafono.
• Fesoasoani i lau fanau ia maua ni mafutaga lelei ma uo.
• Fesoasoani i lou alo e fa’ataitai auala e tetee ai i fualaau fa’asāina.

Maitau Fesoota’iga.

Ia e iloa i taimi uma mea o lo’o faia e lau fanau talavou, o nofoaga e o iai, ma o ai latou te faifai mea fa’atasi. Fesoasoani ia i latou e fuafua ni gaioiga saogalemu ma malie. Ia e manatua fesili nei e lima:

• O fea e te alu iai?
• O le a au mea e fai?
• O ai e iai fa’atasi ma oe?
• O le a le taimi e te sau ai i le fale?
• E iai ni ava malosi, mariuana, po o isi fualaau fa’asāina?

O a ni a’afiaga o le fa’aaogaina o le ava malosi, mariuana, ma isi fualaau fa’asāina e i latou e lalo ifo tausaga?

O le vave tagofia o le ava malosi, mariuana, ma isi fualaau fa’asāina o le a lamatia ai fanau talavou ma saisaitiaga mai isi fa’afitauli o le soifua maloloina, leaga togi i le aoga, ma fa’aitiitia ai avanoa mo galuega ona o le olaga fa’apāgota ma le lē lava o a’oa’oga.  O le fa’aaogaina o Mariuana, ava malosi, ma isi fualaau fa’asāina:

• E mafai ona afaina ai le tuputupua’e o le mafaufau o le olaga talavou. O le ava malosi, mariuana, ma isi fualaau fa’asāina e mafai ona fa’aleagaina vaega o le fai’ai o lo’o fa’atonutonuina le fa’agaioiina o le tino, puleaina o lagona, o mafaufauga, a’oa’oga ma fa’aiuga fai. Talu ai o lo’o tuputupu pea le fai’ai o le tamaitiiti talavou, e sili atu ona a’afiagofie i ia vaega.
• E mafai ona oo atu i ni saisaitiaga matuia. O tamaiti e inu ava malosi a’o le’i atoa le 15 tausaga e ono sili atu ma le fa’afa ona aafia pea i fa’afitauli o le ava malosi pe a avea ma tagata matua ma o latou e amata fa’aaogaina mariuana a’o le’i atoa le 18 tausaga e fa’afaina i le fa’afituina taimi e sili atu ona aafia ai i saisaitiaga o le fa’aaogaina o mariuana nai lo i latou e tuai ona fa’aaoga.
• E fesoota’i ma mafua’aga sili e tolu o le maliliu o fanau talavou:  Fa’alavelave fa’afuase’i (e aofia ai le maliliu i fa’alavelave tau taavale ma le malemo), fasioti tagata, ma le pule i le ola.

Ia maua fa’amaumauga moni e fa’atatau i lamatiaga o le fa’aaogaina o fualaau fa’asāina e i latou e lalo ifo tausaga.

Ia atia’e fa’atasi ni uiga masani tau soifua maloloina.

Fesoasoani i lou alo talavou e atia’e uiga masani tau le soifua maloloina, fa’atulaga ni sini ‘autū, ma fa’ataitai ni auala soifua maloloina lelei e fesoasoani ai.

• Fa’atulaga ni sini autu: O le fa’atulagaina o sini autu e maua ai e tagata se lagona o ni fa’amoemoega ma fesoasoani ia i latou e talitonu i se lumanai lelei. Atonu e faigata le taimi nei, ae sili atu ona faigofie ona taulimaina pe a iai le naunautaiga lelei e uiga i avanoa i le lumana’i. Talanoa i ou alo talavou e fa’atatau i mea latou te manana’o e fai i le lumana’i ma fesoasoani ia i latou e fa’ataatitia ia fuafuaga.
• Fausia ni uiga fa’alesoifua maloloina lelei: ‘A’ai lelei ma ia lava le moe ma o le fa’amalositino e fa’aleleia ai le soifua maloloina ma lagona. Tāpena se fuafuaga fa’atulagaina (e pei o taimi masani o taumafataga), e fa’afaigofie ai le talanoaina o amioga soifua maloloina lelei, ma talanoa i lou alo talavou pe aisea e taua tele ai amioga lelei. Fuafua ni auala e fa’amalosia ma fa’atino ai fa’ata’ita’iga o amioga lelei e fai fa’atasi.
• Atiina’e tomai fa’afeagai ai: E taua mo fanau talavou le fa’ailoaina o gaoioiga e fesoasoani i lagona lelei pe a atuatuvale pe popole. Galulue fa’atasi ma lou alo talavou e saili ni auala e tuufa’atasia ai ni gaoioiga - pe o le togiina o se polo i tuafale pe a uma le ‘aiga o le afiafi, alu e savalivali solo i le pitonu’u, faia o tusigāata i taimi malōlō, po’o le faitau i le 10 ma manava loloto pe a ua faigata ona pulea lagona.

Saili se fesoasoani

E le afaina le talosaga atu mo se fesoasoani mo oe ma lou alo talavou! O punaoa uma o fa’amatalaga o lo’o i lalo o lo’o ofoina atu le TRS 711 ma auaunaga mo gagana.

• Teen Link e leai se totogi, o se laina malu puipuia e fesoasoani e mafai ai e fanau talavou e ala i le telefoni, feau tusia fa’atelefoni pe talatalanoa ma tupulaga ua a’oa’oina mai le 6 i le 10 i le afiafi. PT. E mafai e lou alo ona talanoa ia i latou e uiga i so’o se mea o lo’o i o latou mafaufau. Ia fa’amalosi i lou alo e vili, feau tusia fa’atelefoni, pe talatalanoa i le 1-866-TEENLINK (833-6546). E mafai foi e tagata matutua on valaau le Teen Link e talanoa ai ma se foma’i fa’apitoa i puipuiaga o le fa’aaogaina o fualaau fa’asāina. Asiasi le www.teenlink.org mo nisi fa’amatalaga.
• Washington Recovery Help Line o se laina fesoasoani fa’alilolilo mo le 24-itula, e ofoina atu le lagolago mo i latou o loo tauivi ma saisaitiaga o le fa’aaogaina o fualaau fa’asāina ma lu’itau o le soifua maloloina o le mafaufau. Valaau le 1-866-789-1511 pe asiasi i le WARecoveryHelpLine.org e maua ai nisi fa’amatalaga.
• Washington Listens e lagolago ia i latou o loo lagonaina le fa’anoanoa, popole, po’o le atuatuvale. E faigaluega i le Aso Gafua- Aso Faraile mai le 9 i le taeao i le 9 i le afiafi. PT ma fa’aiuga o vaiaso mai le 9 i le taeao i le 6 i le afiafi. PT. Asiasi i le ‘upega tafa’ilagi o le Washington Listen mo nisi fa’amatalaga.